Wananchi wa Wilaya ya Mbarali wapongezwa kwa kuandaa mkakati kabambe wa kupunguza vifo vya akina mama wajawazito na watoto, mkakati huo umewafanya wanaume washiriki bega kwa bega na wake zao,

Wanakijiji waliofika katika zahanati ya Uturo kumsikiliza katibu mkuu wa wizara hiyo

 Katibu mkuu wizara ya afya,maendeleo ya jamii,jinsia wazee na watoto dkt.Mpoki Ulisibusya akimueleza jambo mwenyekiti wa kijiji cha Uturo bw.charles mtambalike wakati akikagua mazingira ya zahanati ya uturo

Kaimu mkurugenzi msaidizi kitengo cha huduma za uzazi na mtoto toka wizara ya afya dkt.Georgina Msemo akiongea na wananchi wa kijiji cha Utoru,Kushoto ni mwenyekiti wa kamati ya afya bw.Omary Waziri

Moja ya bango la maudhurio lililobandikwa kwenye zahanati hiyo ambapo kila ofisi ya kijiji ina maudhurio hayo na pia daftari la mama na mtoto na kila mzazi anapotoka kliniki(baba au mama)lazima apite kuandikiwa maudhurio,jitihada hizo zilizowekwa na wananchi wa vitongoji vyote vitatu vya kijiji hicho zimesaidia kufanikisha kutokuwa na vifo vya mama mjamzito na watoto wakati wa kujifungua toka mwaka 2008 kijijini hapo

Dkt.Mpoki akionesha moja ya bango lililomvutia kwenye zahanati hiyo ambalo linaonesha maudhurio ya kliniki kwa mama na baba,aliyekaa mbele ni kaimu mganga mkuu wa wilaya ya Mbarali dkt.Hance Mpumilwa

Jamii imetakiwa kuhakikisha vifo vitokanavyo na matatizo ya uzazi kwa akina mama wajawazito na watoto nchini vinatokomezwa.

Hayo yamesemwa leo na katibu mkuu wizara ya afya,maendeleo ya jamii,jinsia wazee na watoto dkt.Mpoki Ulisubisya alipotembelea zahanati ya kijiji cha uturo kilichopo wilayani Mbarali ambacho wananchi wa kijiji hicho wanashiriki moja kwa moja katika kuondoa matatizo hayo.

Dkt.Mpoki alisema serikali katika kutekeleza sera ya afya nchini inahakikisha akina mama wajawazito na watoto wachanga hawafi kwa magonjwa yanayozuilika "Gharama za afya zimekuwa Kubwa sana, hivyo nguvu yetu na umoja ndiyo njia pekee ya kujikomboa na kuleta maendeleo ya nchi na kutokomeza vifo vya akina mama nchi nzima"alisema

Aidha aliwataka wananchi kujua afya ni wajibu wa kila mtu na inawezekana endapo kila mtu atajitolea kuhakikisha huduma za kiafya zikiwemo za kliniki na tabia ya kuzalia nyumbani zinaachwa.

Hatahivyo katibu mkuu huyo aliitaka mikoa mingine kufika kijijini hapo kujifunza ni jinsi gani wamefanikiwa kuwashirikisha wananchi wote hususan akina baba kushiriki kuanzia ujauzito hadi mtoto anapozaliwa,

Naye mkuu wa zahati hiyo Tabibu Wilson Chotamganga alisema kijiji hicho kimefanikiwa kutokomeza vifo hivyo kwa kuunda timu ya viongozi wa Vitongoji wa huduma za uzazi na mtoto pamoja na kuanzisha madaftari mawili ya akina mama wajawazito na watoto chini ya miaka mitano na kukubaliana sheria ndogodogo za kutozwa shilingi elfu tano kwa yeyote atakayekiuka makubaliano na taratibu zilizowekwa

Zahanati ya Uturo iwe ya mfano kwa kutokuwa na vifo vya mama na mtoto vitokanavyo na uzazi