Waziri wa Afya Mh. Ummy Mwalimu atembelea hospitali za Mkoa wa Mbeya

Waziri.wa afya,maendeleo ya jamii,jinsia,wazee na watoto akisalimia na watumishi mara alipofika kwenye hospitali ya rufaa ya mkoa 

waziri Ummy akimsalimia mtoto jenifer Joel(9) mkazi wa chunya aliyelazwa hospitalini hapo.

waziri wa afya akimjulia hali.mtoto baraka jekonia(1) mkazi wa chunya aliyelazwa wodi ya watoto,waziri Ummy ameitaka hospitali hiyo kuwachaji pesa wagonjwa wote wanaofika hospitali ya rufaa moja kwa moja bila kupatiwa rufaa kutoka vituo vya afya vilivyopo jirani na wananchi ili kupunguza msongamano kwenye hospitali za rufaa nchini

Katika hospitali ya uzazi ya Meta waziri Ummy Mwalimu alimsalimia Binti kanisia Komba aliyejifungua mtoto wa kike,katika hospitali hiyo mama wajawazito wote wanatibiwa kwa kadi ya bima ya afya inayodhaminiwa mpango wa kusaidia akina mama wajawazito wa KFW toka bank ya Ujerumani

Hospitali ya Meta imetekeleza maagizo ya Waziri wa afya,maendeleo ya jamii,jinsia,wazee na watoto ya kutoa kipaumbele kwa wazee wote nchini wanapofika kwenye vituo vya kutolea huduma

waziri Ummy akiwasalimia wazazi waliolazwa kwenye moja ya wodi hospitali ya Meta,kutokana na ufinyu wa wodi inawalazimu akinamama wengine kulala chini,hospitali hiyo inatarajia kuanza ujenzi wa jengo jipya ambalo litaondoa kabisa msongamano wa wazazi hospitalini hapo

waziri wa afya akiwasalimia wagonjwa waliofika hospitali ya uzazi ya meta kupata matibabu

Hospitali zinazotumia mfumo wa ukusanyaji mapato wa kielectroniki wametakiwa wasibweteke na mapato wanayoyakusanya kila siku.

Rai hiyo imetolewa na waziri wa afya,maendeleo ya jamii,jinsia,wazee na watoto Mh.Ummy Mwalimu wakati alipotembelea hospitali ya rufaa ya kanda ya mjini Mbeya,

Ummy amesema ukusanyaji wa mapato kwa mfumo huu unasaidia kwa kiasi kikubwa katika kuboresha huduma za afya nchini ikiwemo ununuzi wa dawa,vifaa na vifaa tiba pamoja na utoaji wa motisha kwa watumishi

"Bado tunatambua hali ya uhaba wa upatikanaji wa dawa na vifaa tiba kuanzia ngazi zote, tukiweza kusimamia vizuri hili tutafanikiwa" alisema  mh. Ummy

Aidha amesema wanatarajia katika serikali ya awamu hii bajeti ya dawa itaongezeka zaidi ya mara tatu kulinganisha na bajeti za nyuma, hivyo wameishauri bohari kuu ya dawa wanunue dawa toka kwa wawekezaji wa hapa nchini ambapo itakua na bei nafuu na itaongeza tija na upatikanaji wa dawa kwa haraka.

Waziri Ummy Mwalimu ameutaka Mkoa kufuatilia, kuwafichua na kuwachukulia hatua wale wote watakaojihusisha na wizi wa dawa

 "Tunao watumishi wachache wa afya ambao wanahujumu na kuiba dawa na kuzipeleka kwenye maduka ya dawa binafsi, hao hatutowafumbia macho na kuwapeleka mahakamani"  

Kuhusu upungufu wa watumishi wa kada ya afya nchini ,Waziri wa afya amesema, nchi ina upungufu wa asilimia 52 hivyo serikali inatarajia kuajiri watumishi takribani elfu kumi hivi karibuni ambao watatawanywa nchi nzima ikiwemo mikoa iliyo pembezoni Katika hospitali ya uzazi ya Meta,

Aidha waziri huyo ameguswa na ufinyu wa wodi za wazazi na kupelekea wakina mama wajawazito na waliojifungua kulala chini na wawili wawili kwenye kitanda kimoja na hivyo kuwataka kufanya haraka ujenzi wa jengo jipya litakaloondoa mrundikano wa akina mama wajawazito na watoto njiti.

 Hospitali ya kanda ya rufaa Mbeya inakusanya kwa mwezi kiasi cha shilingi milioni  mia tano, inahudumia mikoa saba nchini na kuhudumia zaidi ya watu milioni mbili.