BAKWATA walaani wauaji yaliyotokea msikitini jijini Mwanza

Wakati Rais John Magufuli akitoa salamu za pole kwa wakazi wa jiji la Mwanza, kutokana na mauaji ya watu watatu waliouawa kwa kukatwa mapanga wakiwa msikitini,

 Baraza Kuu la Waislamu (Bakwata) limelaani mauaji ya watu watatu waliouawa kwa kukatwa mapanga wakati wakiswali msikitini.

Aidha, Baraza hilo limewataka waislamu kuwa watulivu na kutoa ushirikiano kwa vyombo vya usalama ili wahalifu hao waweze kukamatwa na kufikishwa katika vyombo vya sheria.

Kauli hiyo imetolewa na Mufti na Shekhe Mkuu Abubakari Zubeir wakati akizungumza na waandishi wa habari kuhusu mauaji hayo yaliyotokea Jumatano saa mbili usiku wakati waumini hao wakifanya ibada. 

Shekhe Zubeir alisema tukio hilo la watu wasiojulikana kuvamia msikiti na kuwaua waumini ni la kinyama ambalo halipaswi kuvumiliwa.

Alisema Uislamu ni dini ambayo moja ya misingi yake ni kulinda nafsi kama anavyosema Mwenyezi Mungu katika Kitabu Kitakatifu cha Quran na kuongeza baraza hilo linawapa pole wafiwa wote pamoja na waumini wa Masjid Rahmaan kwa msiba huo.

Aidha, alitoa agizo kwa Bakwata Mkoa wa Mwanza kufuatilia kwa karibu hali za majeruhi na wafiwa.