Rais Magufuli amuagiza Katibu Mkuu wa TAMISEMI kuwafukuza kazi baadhi ya vigogo, pia awajibu waliokuwa wakitumia mitandao ya kijamii kuponda uteuzi wa Wakurugenzi, asema ukiona "adui anakushangilia rudi nyumba jiulize umekosea wapi"?!!

Rais Magufuli akizungumza katika hafla ya kiapo cha uadilifu cha Wakurugenzi iliyofanyika Ikulu Jijini Dar es salaam July 12,2016.

Rais Magufuli amemuagiza Katibu Mkuu wa Wizara TAMISEMI kuwafukuza kazi baadhi ya vigogo wa Tamisemi, pia aeleza sababu zilizopelekea kuamua Tawala za Mikoa na Serikali za Mitaa (TAMISEMI) kuwa chini yake.

Kizungumza

wakati wa hafla ya kula kiapo cha uadilifu kwa Wakurugenzi wa Halmashauri, Majiji na Miji iliyofanyika Ikulu jijini Dar Es Salaam jana tarehe 12/7/2016, Magufuli amesema kuwa amelazimika kufanya hivo kwa kuwa alibaini utaratibu uliokuwa ukitumika kuwapata wakurugenzi katika miaka ya nyuma ilikuwa na udanganyifu mkubwa sana huku vitendo ya rushwa vikichukua nafasi zaidi.

Amesema alibaini kuwa vitendo hivyo vya kutumia rushwa ili kupata ukurugenzi vilikuwa ni mazingira yaliyotengenezwa na baadhi ya vigogo wa TAMISEMI  kwa maslahi yao binafsi.

Aidha alisisitiza kuwa nafasi ya Ukurugenzi ni nafasi muhimu sana katika kujenga uchumi wa wananchi hasa wananchi wa chini hivyo umakini mkubwa umetumika kuwateua wakurugenzi hao kutokana na umuhimu wao ambapo alisema hatua za uteuzi  zilikuwa na umakini mkubwa na kwamba zoezi la uteuzi huo limechukua miezi nne (4) hadi kuwapata wakurugenzi hao.

Baada ya kusema hayo Magufuli aliongeza  kuwa amemuagiza Katibu Mkuu wa Wizara Tamisemi awaondoe vigogo wote ambao wamekua wakijihusisha na vitendo vya rushwa kwani anawafahamu vema.

Hata hivyo Rais Magufuli amesema amekuwa akifuatilia na kusoma taarifa katika mitandao ya kijamii na amesikitishwa na kitendo cha baadhi ya mitandao kutoa taarifa ambazo zimekua zikilenga kupinga uteuzi ama kuwachafua baadhi ya viongozi walioteuliwa kwa madai kuwa hawana sifa ambapo alisema yafuatayo  “kutokana na hilo nimejifunza kitu, ukiona unashangiliwa na adui rudi nyuma ujiulize umekosea wapi, ukiona unasemwa adui jua umewatwanga”

Rais Magufuli alisisitiza kuwa katika uteuzi huo amejiridhisha na hajabahatisha na anaimani kuwa wakurugenzi hao wataenda na kasi anayoitaka na kuijenga Tanzania anayoitaka ambapo aliwasifu kuwa wengi wao ni wasomi wenye diploma, degree na master.