Jopo la mawakili, wanaharakati na wanasayansi limewasilisha ombi mahakamani likitaka wanawake waruhusiwe kutoa mimba.

Kundi la mawakili, wanaharakati na wanasayansi nchini Brazil limewasilisha ombi mahakama ya juu nchini humo likitaka wanawake wenye virusi vya Zika waruhusiwe kutoa mimba.

Virusi vya Zika vinaaminika kusababisha watoto kuzaliwa wakiwa na vichwa vidogo, na kudumaza ubongo.

Utoaji mimba nchini Brazil hauruhusiwi kisheria, ila tu wakati wa dharura ya kiafya au iwapo mimba imetokana na ubakaji hali ambayo kwa Kiingereza inajulikana kama microcephaly.

Hata hivyo mwaka 2012, uliruhusiwa kwa watu walioathiriwa na ugonjwa mwingine wa ubongo kwa jina anencephaly.

Wataalamu wameonya kwamba idadi ya watu walioambukizwa na virusi vya Zika mwaka huu huenda ikafikia kati ya milioni tatu au nne katika mabara ya Amerika.

Ombi hilo mpya litawasilishwa mahakama ya juu katika kipindi cha miezi miwili.

Kundi linaloandaa ombi hilo ndilo lililowasilisha ombi kwa niaba ya waathiriwa wa anencephaly mwaka 2012 mahakama ya juu na kupata ushindi.

Wakati hayo yakijiri, Thomas Bach, mkuu wa Kamati ya Kimataifa ya Olimpiki amesema hatua zinachukuliwa kulinda michezo ya mwaka huu ambayo itaandaliwa mjini Rio de Janeiro.

IOC itatoa mwongozo kwa wanariadha na wageni ambao wanapanga kushiriki au kuhudhuria michezo hiyo, Brazil ndilo taifa lililoathirika zaidi na mlipuko wa Zika ambapo inaelezwa kuwa kwa mujibu wa wizara ya afya nchini humo zaidi ya watoto 200 wamezaliwa wakiwa na vichwa vidogo ambavyo vimethibitishwa, huku wengine  zaidi ya 3,000 wakiendelea kuchunguzwa.

Watu wengi walio athiriwa na virusi hivyo huwa hawaonyeshi dalili za kuambukizwa virusi vya Zika lakini wanaweza kusambaza virusi hivyo kwa watoto walioko tumboni.

Hadi sasa bado hakuna tiba wala chanjo dhidi ya ugonjwa huo hivo Marekani imesema inatumai itaanza kufanyia majaribio chanjo katika mwili wa binadamu kufikia mwisho wa 2016.

Muonekano wa mtoto mwenye ugonjwa wa Zika

Dalili za Zika

Homa

Vipele

Maumivu kwenye maungio

Macho kuwa mekundu