wataalamu wanatarajia kukutana ili kujadili suala la bangi, yadaiwa bangi inasaidia kutibu ugonjwa wa kusahau, msongo wa mawazo,

 Zao la bhangi

Wataalamu wanaohusika na matumizi ya bangi kama dawa wanakutana Israel kujadili uvumbuzi zaidi katika kilichokuwakatika sekta yenye thamani ya mabilioni ya dola duniani.

Hayo ndiyo maazimio ya Canna-Tech inayojumuisha wawekezaji, wakulima halali na watumizi wa bangi kama dawa.

Uwekezaji katika sekta hiyo umekuwa kwa kasi ya juu mno kufuatia kuhalalishwa kwa bangi katika majimbo kadhaa nchini Marekani.

Nchini Israeli sekta hiyo ya bangi halali imefunguka na inaelekea kukua kufuatia utafiti na uwekezaji mkubwa.

Afisa mmoja anayesimamia utafiti huo Saul Kaye anasema

''Wagonjwa ni watu wanaopata matibabu ya maradhi ambayo yanapatikana baada ya kutumia kemikali yenye madhara kama vile ugonjwa wa Saratani.

Watu hao ni wale wanaougua ugonjwa wa kusahau, ugonjwa wa Crohn, na wale walio na msongo wa mawazo au mfadhaiko.

Bangi inaweza kusaidia matatizo kama hayo, na bado hatujajua manufaa mengine.

Utafiti unahitajika zaidi, jambo ambalo Israeli inaendelea kuchunguza hasa katika ngazi ya shirikisho

Kwa sasa, kuna utafiti zaidi ya 36 unaoendelea katika hospitali nchini Israeli. ''

Biashara hii ya bangi iliyoanzishwa kwa njia ya soko la magendo, na wafanyabiashara wa awali walitokea hapo.

Lakini kuna kampuni mahususi ya uundaji madawa, katika soko la hisa la Wall Street Marekani sasa yanaangazia biashara ya bangi, hapo ndipo tunaivalia njuga, na bila shaka tunaanza kubadili mtizamo kuhusiana na biashara ya bangi.'' alisema Kaye.

Nchini Tanzania mnamo February 2016, Mbunge wa Geita Vijijini kwa tiketi ya CCM, Joseph Kasheku almaarufu kama Msukuma aliitaka serikali kufanya utafiti kisha kuidhinisha matumizi  ya dawa za kulevya aina ya bhangi na mirungi ili kuongeza pato la taifa kwa kupata fedha za kigeni,

Akichangia katika bunge, Mbunge huyo alitetea kua bhangi husaidia kuongeza mzuka wa kufanya kazi lakini imezuiwa huku serikali ikiruhusu viroba ambavyo watumiaji wake hushindwa kufanya kazi baada ya kuvitumia,

“Mheshimiwa mwenyekiti zao la mirungi na bhangi kuna nchi zinaruhusu. mfano mzuri ni majirani zetu wa Kenya ambao ndege mbili kubwa hutua nchini humo kuchukua mirungi na kupeleka ulaya. Sasa kwa nini sisi tusiendeleze zao hili linalopatikana Geita na maeneo ya Bunda mkoani Mara na maeneo nchini ili wananchi wanufaike kwa kuuza zao hilo?” alihoji

“kwa wasukuma kule kwetu mtu akitumia bhangi anapata nguvu ya kulima sana hata hekari mbili lakini inakatazwa na wakati huo huo vijana wetu tumewaruhusu kutumia viroba ambavyo huwadhoofisha sana pengine kushinda hata bhangi, naomba tufanye utafiti upya juu ya hili,”

Aidha aliendelea kwa kusema “wapo wenzetu humu (wabunge) wanaitumia bhangi na hakuna madhara yoyote, tena wanachangia hoja kwa ufasahakabisa,”

Hata hivyo hoja hiyo ilipingwa na serikali, ambapo Naibu Waziri Wizara ya afya, Maendeleo ya Jamii, Ustawi wa Jamii, Jinsia, Wazee na Watoto Dkt Khamis Kigwangalla alieleza kuwa madawa hayo ya kulevya yana madhara makubwa kwa binadamu. Hibyo serikali haitaruhusu kwa namna yoyote matumizi yake  kuyajadili

hata hivyo baada ya mbunge huyo kutoa hoja hiyo alizua  gumzo kubwa katika bunge hata katika mitandao ya kijamii huku baadhi wakimtilia shaka kua huenda mbunge huyo ni miongoni mwa watumiaji wazuri wa mirungi aina ya bhangi, na wapo ambao alithubutu kusema mbunge huyo hajitambui

Mbunge wa Geita Vijijini kwa tiketi ya CCM, Joseph Kasheku almaarufu kama Msukuma

wakati wa kampeni nchini Tanzania mwaka 2015, Mgombea Urais kwa tiketi ya CCM Dk. John Pombe Magufuli ambae sasa ni Rais wa Tanzania, akimnadi Mgombea Ubunge jimbo la Geita vijijini Ndugu Joseph Kasheku (Msukuma) ambae sasa ni Mbunge wa Geita vijijini