Timu ya Bunge Sports Club yaahidi kuwapa raha wadau wa soka hapo kesho Aprili 26 saa 12 Jioni itakapo minyana na Timu ya Baraza la Wawakilishi Zanzibar, katika mchezo maalumu wa kuimarisha Muungano!

Kocha wa timu hiyo ambaye pia Mbunge  Jimbo la Kilolo mkoani Iringa, Mh. Venance Mwamotto (kati) akitoa maelekezo katika mazoezi hayo.

Mbunge wa Korogwe Vijijini (CCM), Mh. Steven Ngonyani ‘Maji Marefu’ akisimamia mazoezi hayo kwa muda asubuhi ya leo

*****************************

Timu ya Bunge Sports Club kucheza na timu ya Baraza la Wawakilishi Zanzibar kesho Aprili 26 saa 12 Jioni

Timu ya Mpira wa miguu ya Bunge la Jamhuri ya Muungano la Tanzania Bunge Sports Club inatarajiwa kushuka dimbani kucheza mchezo mkali na wa aina yake ambao ni wa kwanza na timu ya Baraza la Wawakilishi la Serikali ya Mapinduzi Zanzibar.

Mapema leo Aprili 25.2016 timu hiyo ilishuka katika dimba hilo la Amaan Studium na kupasha misuli maalum kwa mchezo huo wa kesho ambapo kwa mujibu wa viongozi wa timu hiyo ya Bunge wametamba kuibuka na ushindi wa kishindo.

Kocha wa timu hiyo ambaye pia Mbunge Jimbo la Kilolo mkoani Iringa, Mh. Venance Mwamotto ametamba kwa timu yake kuibuka na ushindi mnono katika mchezo huo kwani wana mazoezi ya kutosha na pia wamejiandaa kuonyesha uwezo.

 “Tunawaomba wabunge wote kutuunga mkono katika mchezo huu kwani timu imejindaa vya kutosha kuhakikisha tunashinda. Mchezo huu ni maalum kwa ajiri ya kuimalisha Muungano wetu tukufu hivyo tutaendelea kuuenzi na kuukumbatia na sote kwa pamoja tuzidishe Amani” alieleza Mh. Mwamotto.

Kwa upande wake Mbunge wa Korogwe Vijijini (CCM), Mh. Steven Ngonyani 'Maji Marefu' ambaye ni miongoni mwa viongozi wa msafara wa timu hiyo ya Bunge ametamba timu yake kuibuka na ushindi mnono kwani wamejiandaa kisaikolojia na mazoezi ya kimichezo.

Naye Mbunge wa Nzega Vijini ambaye pia ni Naibu Waziri wa Afya, Maendeleo ya Jamii, Jinsia, Wazee na Watoto, Mh. Dkt. Hamisi Kigwangalla ambae ni miongoni mwa viongozi wa timu hiyo ya Bunge amebainisha kuwa, mchezo huo unatarajiwa kuchezwa majira ya Saa 12 Jioni kesho Aprili 26.2016 katika uwanja wa Amaan uliopo Unguja.

“Mechi kati ya Wabunge wa Bunge la Jamhuri ya Muungano wa Tanzania na Baraza la Wawakilishi la Zanzibar. Utachezwa kesho ni siku ya Kuadhimisha Muungano wa Nchi ya Jamhuri ya Tanganyika Na Jamhuri ya Watu wa Zanzibar. Tunawaomba watu kujitokeza kwa wingi kuuona mchezo huu ambao utakuwa wa aina yake kwa timu zote mbili.” Alieleza DK. Kigwangalla.

 Timu hiyo ya Bunge yenye wachezaji Zaidi ya 19 imejiandaa vya kutosha katika kuhakikisha inapata ushindi mnono na ipo Visiwani Zanzibar kwa maandalizi ya mchezo huo tokea jana na leo imeweza kufanya mazoezi ya awali asubuhi na mengine wakitarajia kufanya hapo jioni!

Benchi la ufundi likiwa tayari katika mazoezi hayo

Mazoezi ya timu ya Wabunge yakiendelea katika uwanja wa Amaan Stadium, Unguja leo Aaprili 25.2016.

Mazoezi yakiendelea

Mbunge wa Nzega Vijini ambaye pia ni Naibu Waziri wa Afya, Maendeleo ya Jamii, Jinsia, Wazee na Watoto, Mh. Dkt. Hamisi Kigwangalla akionesha uwezo wake katika mazoezi hayo

(Picha zote na Andrew Chale-Zanzibar)