Waziri wa Habari, Utamaduni, Vijana na Michezo Mh. Nape Nnauye amewataka wana Mbeya kuikataa siasa katika Soka

Kati kati ni Waziri wa Habari, Utamaduni Sanaa na Michezo Mh. Nape Moses Nnauye akionesha simu aina ya iPad kwa ajili ya maafisa habari wa habari wa halmashauri katika Mkoa wa Mbeya na Mkoa wa Songwe ,  Kushoto ni Mkuu wa Mkoa wa Mbeya Mh. Amos Makalla na kulia ni Mkuu wa Mkoa wa Songwe Bi. Chiku Gallawa

Waziri Nape Nnauye akimkabidhi iPad mbili kwa Mkuu wa Mkoa wa Songwe Bi. Chiku Gallawa, kwa ajili ya maafisa habari wa Mkoa huo 

Waziri wa Habari, Utamaduni, Vijana na Michezo Mh. Nape Nnauye akimpongoza, Katibu Mkuu wa Chama Cha Waandishi wa Habari Mkoa wa Mbeya baada ya kuwasilisha Risala.

Baadhi ya wadau wa sekta ya Habari, Utamaduni, Vijana na Michezo  wakimsikiliza kwa umakini Waziri wa Nape Nnauye wakati akitolea ufafanuzi baadhi ya changamoto zilizowasilishwa kupitia Risala 

Waziri wa Habari, Utamaduni, Vijana na Michezo Mh. Nape Nnauye amewataka wana Mbeya kuikataa siasa katika michezo

Nape amesema hayo wakati akizungumza na wadau wa Tasnia Habari, Utamaduni, Vijana na Michezo, viongozi wa serikali pamoja na taasisi mbali mbali mkoani Mbeya walio hudhuria katika ziara yake hii leo katika ukumbi wa Mkapa uliopo Sokomatola Mkoani Mbeya.

Nape amesema kua siasa ni adui mkubwa anaekwamisha mikakati katika tasnia ya Michezo nchini huku akitolea mfano timu ya Mbeya City Fc ambayo kwa sasa inaonekana kutofanya vizuri kutokana na kuingiza siasa,

Aidha amewataka viongozi na mashabiki wa michezo kuitumia vizuri Timu ya Mbeya City Fc na timu nyingine zilizopo mkoani hapa katika kuiunganisha jamii pamoja badala ya kuwagawa,

Hata hivo amewakemea viongozi ambao wamekua akiingiza masuala ya siasa katika timu hiyo kwani Mbeya City Fc inaendeshwa kwa kutumia pesa za jiji ambazo ni pesa za umma na kuongeza kua katika uchangiaji wa fedha hizo hakuna anaeulizwa chama hivyo hakuna chama chochote chenye dhamana ya kuifanya timu hiyo iwe chini yake.

Ameongeza kua  wizara yake ya Habari, Utamaduni, Vijana na Michezo ni wizara yenye wadau wengi zaidi na ndiyo wizara isiyo na itifaki, amesema kufuatia changamoto ambazo zinaikabili sekta ya michezo  Serikali imeamua kufanya marekebisha sheria ili iendane na sera ya michezo lengo ni kuifanya michezo kua shughuli rasmi ya kiuchumi na kwamba zoezi hilo lipo katika hatua za mwisho kukamilika.

Nae Mkuu wa Mkoa wa Mbeya mh. Amosi Makala amemuahidi Waziri kua atahakikisha anasimamia kwa umakini mkubwa sambamba na  anaondoa kero ya siasa katika michezo,

Kwa upande wa wadau wa michezo mkoani Mbeya wamesema ili kuondoa kero ya Siasa viongozi wanapaswa kuheshimu taratibu zilizowekwa pindi wanapo hudhuria katika mechi ikiwa ni pamoja na kukaa katika sehemu wanazo stahili, kwani kumekua na tabia ya baadhi ya viongozi mbali mbali wakiwemo wana siasa kuto kaa sehemu rasmi walizo andaliwa badala yake huenda kukaa kwa mashabiki jambo ambalo linachangia kuingiza siasa katika michezo