Polisi yatumia mabomu kuwatawanya wananchi waliokua wanajiandaa kuhudhuria katika mkutano wa Chadema huko Kahama

Polisi Kahama wametumia mabomu ya machozi kuwatawanya makundi ya wananchi waliokua wamekusanyika katika maeneo mbali mbali kwa wakijiandaa kuhudhuria mkutano wa Chadema.

Mabomu hayo yameendelea kurindima katika viwanja vya CDT ili kuwatawanya wananchi hao waliokusanyika kwa ajili ya kuhudhuria mkutano wa hadhara ulio kua umepangwa kufanyika leo kuanzia saa 9:00 alasiri kabla ya polisi kupiga marufuku mikutano na maandamano ya aina yoyote ya kisiasa nchini

Jeshi la polisi leo jioni lilitoa taarifa ya kupiga marufuku maandamano na mikutano ya kisiasa ambapo katika taarifa hiyo jeshi la polisi limesema sababu za kupiga marufuku mikitano na maandamano hayo ni kufuatia uchunguzi wake uliofanywa kupitia vyanzo mbalimbali ambao ulibaini mikutano hiyo ina  nia ovu yenye lengo la kuwashinikiza wananchi kuto tii sheria pamoja na kuvuruga amani

Hata hvyo katika taarifa hiyo jeshi la polisi limesema kuwa halitasita kuchukua hatua kali za kisheria kwa mtu yoyote au chama chochote kitakachokaidi agizo hilo.