Wanafunzi Mkoani Mbeya walia na uongozi wa chuo baada ya chuo kufungwa kwa kukosa sifa na kudahili wanafunzi zaidi ya 200 wasio na sifa!!!

Ellertoni Mwamasika (Mkurugenzi wa Chuo cha Ilemi PolyTechnic)

Baraza la Udhibiti wa Vyuo vya Ufundi nchini Tanzania NACTE imekifungia chuo cha Biashara, Mifugo na Kilimo cha Ilemi Polytechnic kilichopo Mkoani mbeya kwa kushindwa kukidhi vigezo ikiwa ni pamoja na kudahili wanafunzi wasio na sifa.

Akisoma uamuzi huo kwa niaba ya NACTE, Mkuu wa Mkoa wa Mbeya Amosi Makalla amesema kuwa taarifa kutoka NACTE zinaonesha kuwa chuo kina mapungufu mengi ikiwa ni pamoja na kutoa mafunzo ya mifugo ambayo hayajathibitishwa na vyombo husika vya serikali.
 

Pia amesema kuwa chuo hicho kimekuwa kikidahili wanafunzi wasiokuwa na vigezo, akitolea mfano wanafunzi wanaosoma kozi ya mifugo ambapo kati ya wanafunzi 359 ni wanafunzi 89 pekee ndiyo wanaotambulika kuwa na vigezo husika.

Wakizungumza kwa uchungu baadhi ya wanafunzi wamelalamikia chuo hicho kwa kuwasababishia upotevu wa muda na gharama, ambapo baadhi yao walikuwa tayari wamehitimu na walikwenda chuoni hapo kufuatilia vyeti.

Nae Catherine Buda ambae ni muhitimu wa chuo hicho akitoa lawama kwa uongozi wa huo hicho alisema haya "amesema kua Mimi nimetoka mbali, nimekuja kufuatilia cheti changu, sasa nina miezi miwili hapa, kila siku nazungushwa nazungushwa, kumbe walijua wanakuja kufungiwa, kwa hiyo cheti changu sipati, na muda nimepoteza, nimekaa hapa miaka mitatu halafu leo naambiwa miaka yangu mitatu haina maana tena, sikubali sikubali..” 
 

Kwa upande wake Mkurugenzi wa chuo hicho Ellertoni Mwamasika, ameomba radhi na kusema kazi ya kuendesha chuo ni ngumu “Chuo kinawaomba radhi wote, ila mjue kuwa kazi hii ya kuendesha chuo ni ngumu”

baadhi ya wanafunzi waliosoma katika chuo hicho walisema haya " Sisi nimiongoni mwa wanachuo cha Ilemi Polytechnic College Mbeya. Tuli itwa kuja kufanya usahili  tar 2 mwezi wa kumi saa moja asubuhi. Baada ya kufika tuli ambiwa chuo cha ilemi hakija sajiliwa kwa course ya general agriculture ambayo tulisoma hapo. na usali wa chuo ni reg/BMG/031. Hivyo tume achwa hewani' hatuelewi hatima yetu.

Hata hivyo serikali imesema wanafunzi wenye sifa watahamishiwa katika vyuo vingine huku ikimuagiza mmiliki wa chuo hicho kuwalipa wanafunzi gharama zao zote kabla hawajatoka chuoni hapo.