MBUNGE WA JIMBO LA MUFINDI KASKAZINI MAHAMOOD MGIMWA ATIMIZA AHADI YAKE KWA VIJANA YA KUWAWEZESHA VIFAA VYA MICHEZO!!

Mbunge wa Mufindi Kusini Mahamood Mgimwa akikabidhi vifaa vya mchezo wa mpira wa miguu akiwa sambamba na mwenyekiti wa ccm wilaya ya mufindi Yohanes Kaguo.

Mbunge wa Mufindi Kusini Mahamood Mgimwa akikagua baadhii ya maeneo ambapo michezo hiyo itafanyika.

Mbunge wa Mufindi Kusini Mahamood Mgimwa amegawa vifaa mbalimbali vya michezo kama alivyowahidi kwa Vijana na timu  za Jimbo hilo huku akitaka michezo yote kuendelezwa.

Mgimwa ametekeleza ahadi hiyo katika Vijiji mbalimbali vinanvyounganisha Jimbo hilo la Mufindi Kusini katika ziara yake inayoendelea ya kuwashukuru wananchi wake kwa kuweza kumchagua kwa kura nyingi na kwenda kuwaakilisha Bungeni.

Akielezea wakati wa kutoa vifaa hivyo vya Michezo, Mgimwa amebainisha kuwa, vifaa hivyo anavitoa  ili kutimiza ahadi yake kwa ombi la    Vijana .

“Niliahidi kuleta vifaa vya Michezo kwa kila Kata. Lakini pia mimi mwenyewe niliwaahdi kuwaletea vifaa na leo hii natimiza ahadi yangu kwenu.” Alieleza Mgimwa.

Mgimwa ameongeza kwa kusema ameamua kutoa vifaa hivyo Kwa lengo la kusaidia Serikali katika juhudi za kuinua michezo lakini pia nisehemu ya kazi zake kama Mbunge.

Ameongeza kuwa licha ya michezo  kujenga utimamu wa mwili lakini pia ni ajira huku akitoa mfano kwa Mbwana Samatta anavyofanikiwa na leo anakipiga Ulaya.

Vifaa hivyo vya michezo ikiwemo seti nzima za Jezi  na mipira ya kuchezea ni hatua ya kuinua na kuendeleza vipaji kwa Vijana wa Jimbo hilo ambao wamekuwa na shahuku kubwa ya kuibua vipaji vyao vya mpira wa miguu.
 

Aidha, amewataka Vijana hao kuwa na tabia ya kufanya mazoezi ya mara kwa mara kwani yatawasaidia kufanya vizuri katika mpira wa miguu na pia mazoezi ni afya huku kipaji cha mpira wa miguu kikiwa ni ajira kwao ambapo alisisitiza kuwa endapo michezo itaendelezwa zaidi hasa kwa vijana walio pembezoni.