Mfalme Mzee Yusuph atangaza kuacha muziki, aomba vyombo vya habari vyote na wote wanao miliki CD zake kuacha kuzipiga!!

Gwiji wa muziki wa taarabu Afrika mashariki MFALME MZEE YUSUF ameamua kuachana na mziki na kumrudia Allah.

Mzee Yusuf ametangaza Nia yake hiyo jana ijumaa tarehe 12-08-2016 Muda mfupi baada ya kumaliza kuswali swala ya ijumaa katika msikiti wa Ilala bungoni (Masjid Taqwa).

Akizungumza huku akibubujikwa na machozi mengi Mzee Yusuf amemuomba Allah amsamehe madhambi yake yote pamoja na kuwaomba waumini wote wamuombee msamaha kwa Allah.

Pia amewaomba wanamuziki wengine ambao ni waislamu kuachana na muziki na kuzitumia fani zao walizonazo katika kutangaza na kusifia Shamaail za bwana mtume muhammad (s.a.w).

Hata hivyo avitaka vyombo vya habari vyote nchini na duniani sanjari na watu wote waliokuwa na Cd zake majumbani mwao kuacha kupiga nyimbo zake ambapo amewatahadharisha kuwa endapo watakaidi kufanya hivyo  madhambi yote yatakuwa juu yao kwani yeye hivi sasa anafanya toba kwa Allah hivyo yeye hana dhimma hiyo Tena.