mtu mmoja auwa watu 14 wa familia yake kwa kuwa chinja, muuaji huyo anadaiwa kuweka dawa kwenye chakula ya kumaliza nguvu mwili ili kurahisisha zoezi la ukatili hilo,

Polisi ya India imesema mwanamme mmoja aliefahamika kwa jina la Hasnin Anwar Warekar  mwenye umri wa miaka 35 ameuwa watu 14 wa familia yake kwa kuwachinja kwa kisu na kisha yeye mwenyewe kujiua.

Saba miongoni mwa wahanga wa mauaji hayo yaliyotokea karibu ya mji mkuu wa kibiashara nchini India, Mumbai ni watoto wadogo.

Polisi imesema muuaji huyo Hasnin Anwar Warekar amewauwa jamaa zake walipokusanyika katika nyumba moja jana Jumamosi. Warekar aliwachinja watu hao, wakiwemo wazazi wake, na baadaye akajinyonga kwa kamba.

Kwa mujibu wa taarifa za uchunguzi wa awali, Warekar aliweka dawa ya kudhoofisha mwili kwenye chakula walichokula watu wa familia yake, na kisha akaanza kuwachinja mmoja mmoja baada ya kulala.

Dada yake mmoja mwenye umri wa miaka 21 ambaye amenusuriwa na majirani, anatajwa kuwa katika hali ya mshituko mkubwa. 

Bado kuna utata kuhusu sababu iliyomfanya Warekar kufanya mauaji hayo, lakini inadhaniwa imetokana na mzozo kuhusu mali ya kifamilia