KUU WA MKOA WA MBEYA MSTAAFU, ABBAS KANDORO AMKABIDHI MKOA MPYA WA SONGWE, BI. CHIKU GALLAWA

Na Asha Athuman, Mbozi

Mkuu wa mkoa wa Songwe bi. Chiku Gallawa akisaini kitabu cha wageni

Mkuu wa Mkoa Mstaafu Abbas Kandoro akimkabidhi kalablasha  Mkuu wa Mkoa Songwe Bi. Chiku Gallawa  

Kiongozi wa Machifu Wilaya ya Mbozi, Chifu Nzunda akimkaribisha Mkuu wa Mkoa wa Songwe Bi. Chiku Gallawa

Baadhi ya viongozi walio hudhuria katika tukio hilo la Makabidhiano ya Mkoa Mpya wa Songwe

Mkuu wa Mkoa wa Mbeya Mstaafu ndugu  Abbas Kandoro amekemea tabia ya wananchi  kutumia fujo, na vitendo vinavyo hatarisha amani katika kudai haki au kushinikiza jambo fulani lifanyike.

Akizungumza katika makabidhiano ya mkoa Mpya wa Songwe yaliyofanyika jana tar 1.4.2016 katika Wilaya ya Mbozi, Kandoro amewataka wananchi kujenga utaratibu wa kuzuia jazba na kufanya fujo katika kudai haki na badala watumie hekima ili kulinda amani na utulivu, kwakua amani na utulivu ni muhimili wa kupiga hatua katika maendeleo.

Kandoro amesema historia inaonesha jamii yeyote ambayo imekua ikijihusisha na vitendo vya uvunjifu wa amani daima haina maendeleo.

Hata hivvo amewataka viongozi wa dini, mila na serikali kushirikiana kwa pamoja kutoa elimu kwa jamii ili kutokomeza imani za kishirikina, ulevi,wivu na ujambazi.

Kandoro amesema Takwimu zinaonyesha kua Wilaya ya Mbozi imekua ikijihusisha na mauaji ya kikatili  huku chanzo chake kikiwa ni imani za kishirikina,

Hata hivyo amewaaga na kuwashukuru wananchi wa Mkoa mpya wa Songwe kwa ushirikiano mkubwa walio mpa kwa kipindi chote ambacho amekua akiwatumikia wananchi wa Mkoa wa Mbeya na Mkoa mpya wa Songwe kabla ya kugawanywa na kua Mikoa miwili.

amesema hakuna marefu yasiyo na ncha kwa mtumishi yeyote yule  haswa ambae amechaguliwa ameteuliwa au kuajiriwa hivyo ni lazima atambue kua kuna ukomo katika uwajibikaji wake.

Kandoro amewashukuru watanzania na serikali kwa kumuamini na kumpa nafasi ya kuwatumikia kwa kipindi cha miaka arobaini (40) ambapo amemshukuru mwenyezi mungu kwa kua amestaafu akiwa bado ana nguvu na afya njema ambayo inamuwezesha kuendelea kuwajibika  baada ya kustaafu.

Ametoa wito kwa  watumishi wote nchini kuzitumia vema nyazfa zao ili pindi ukifika ukomo wao wa kuwatumika wananchi waondoke kwa amani.

Kandoro amesema baada ya kustaafu atakwenda kuendeleza kauli mbiu ya Mh. Rais  John Pombe Magufuli “HAPA KAZI TU” kwa kua amestaafu kuwa tumikia wananchi  lakini kimsingi bado anahitaji kuwajibika kwa ajili ya maisha yake kwani tumbo daima litaendelea kudai kupata chochote.

Hata hivo Kandoro amempongeza Bi. Chiku Gallawa, kwa kuteuliwa kuwa  Mkuu wa Mkoa Mpya wa Songwe lakini pia kwa kua muanzilishi wa mkoa huo ambao una wilaya nne (4), halmashauri tano (5), Tarafa kumi na mbili (12), kata sabini na nne (74), vijiji mia tatu na saba (307) na mitaa sabini na moja (71) ambapo alimkabidhi kalablasha lenye maelezo na changamoto zinazo ukabili Mkoa huo mpya wa Songwe.

Kwa upande wake Mkuu wa Mkoa wa Songwe Bi. Chiku Gallawa amesema anatambua kua hakuna sehemu isiyokua na changamoto na kwamba changamoto ndizo zinatusukuma katika maendeleo haswa zainapogeuzwa kua fursa.

Akizungumzia baadhi ya changamoto ambazo zilibainishwa kama ukosefu wa miundo mbinu, imani za kishirikina, vitendo vya uvunjifu wa amani, Gallawa amesema tunahitaji umoja na mshikamano kuienzi amani na utulivu.

Hata hivyo amewataka wananchi na jamii kwa ujumla kuanzia ngazi ya kaya, wazazi, walezi kuhakikisha wanawajibika na kuzijua sheria za nchi sanjari na kuzitii ili kuitunza amani na utulivu.

Hata hivyo ameupongeza Mkoa huo kwa kua na Takwimu nzuri za uzalishaji.

Kwa upande wa viongozi wa dini na viongozi kimila ambao waliwakilishwa na mwenyekiti wa machifu, Chifu Nzunda pamoja na viongozi mbali mbali wa taasisi za serikali wakiwemo wabunge wamemuhakikishia Mkuu wa Mkoa huyo kua yupo katika jamii salama na watashirikiana nae katika kuleta maendeleo ya Mkoa na Nchi kwa ujumla.