Mkurugenzi wa Halmashauri ya Msalala, apewa wiki mbili awe ameandaa ripoti inayoeleza uwezeshwaji wa mikopo na mafunzo kwa wakina mama wanao jishuhulisha na upondaji kokoto!

Na.Catherine Sungura,Msalala 

wakina mama wanao jishuhulisha na kazi ya kuponda kokoto karibu na kituo cha afya kinachojengwa katika kata ya Bugarama Halmashauri ya Msalala wilayani kahama.

Waziri wa Afya, Ummy Mwalimu upande kulia akizungumza na mmoja wa akina mama wanaoponda kokoto katika kata ya Bugarama Halmashauri ya Msalala wilayani kahama.

Waziri Ummy Mwalimu akikagua ujenzi wa kituo cha afya kilichopo kata ya Bugarama.

Muonekano wa kituo hicho cha Afya kilichopo katika kata ya Bugarama ambacho ujenzi wake bado haujakamilika.

Waziri Ummy Mwalimu akimsalimia mlemavu kata ya Bugarama

Mkurugenzi wa halmashauri ya Msalala wilayani Kahama, amepewa wiki mbili awe amempatia ripoti waziri wa afya, Ummy Mwalimu, kuhusu wanawake wanaoponda kokoto wamewezeshwa kwa kupatiwa mkopo wa kiasi gani na mafunzo yapi.

Waziri Ummy Mwalimu ametoa agizo hilo baada ya kufika katika halmashauri hiyo kukagua ujenzi wa kituo cha afya kilichopo kata ya Bugarama kinachojengwa na kampuni ya mgodi wa ACACIA iliopo Bulyahulu na kuwakuta wanawake mbele ya majengo hayo wakiponda kokoto kwa kutumia vifaa duni na vya mkono.

Waziri Ummy alisema hivi sasa kuna vitendea kazi vya Kisasa na vya bei rahisi ambayo vitawasaidia wanawake hao kuwarahisishia

wanawake kuacha kushinda masaa kumi wakiponda mawe

"Baada ya makusanyo ya Mapato ya ndani,mkurugenzi unatakiwa kutenga asilimia 5 kwa ajili ya vikundi vya akina mama na sio vikundi vya kujitafutiza huko mitaani na vya kujuana"

Waziri Ummy alisema haiwezekani wanawake wanaojishughulisha na shughuli ndogondogo wakaachwa pasipo kusaidiwa kwani wanawake wengi ndio wanaosaidia familia.

"Tusipowawezesha wanawake hawa,mnataka tuwawezeshe wanawake gani? hawa ndio waliotupigia kura hawa, lazima tuwaoneshe maneno ya Rais Magufuli hayakuwa matupu maana alisema anataka kuwawezesha wanawake na ndio maana kila halmashauri inatakiwa kutenga asilimia kumi ya mapato yake kwa ajili hiyo"

Aidha,alisema wawahamasishe wanawake wengine katika Kata zote kujiunga kwenye vikundi hususan wale wanaojituma na kujitoa kwa biashara ndogondogo,

Wanawake hao wapatao thelathini wanaoponda kokoto karibu na kituo cha afya Bugarama walisema wanaomba wanawake wawezeshwe kwani hawajui kama kuna pesa zinatakiwa kutengwa kwa ajili ya wanawake, hata hivyo walimshukuru waziri huyo kwa kuwafumbua macho.

Naye mganga mkuu wa halmashauri hiyo dkt. Hamad Nyembea alisema kampuni hiyo ya ACACIA ilianza ujenzi wa kituo cha afya julai,2014 na hadi kukamilika ujenzi huo itagharimu zaidi ya shilingi bilioni 1.7, na ujenzi wa zahanati ya Bulyahulu utagharimu zaidi ya milioni mia tatu!