Rais Dkt. John Pombe Magufuli ametengua uteuzi wa Mhariri Mtendaji wa Magazeti ya Serikali (TSN)

Ikumbuke mnamo mwezi February 2016 Bodi ya wakurugenzi wa magazeti ya Serikali,(TSN) ilimsimashisha kazi Mhariri Mtendaji wa magazeti hayo  Bw Gabrieli Nderumaki kupisha uchunguzi kutokana  na utendaji usioridhisha  ndani ya kampuni hiyo.

Ambapo  Mwenyekiti wa Bodi hiyo Bw Prof Moses Warioba alisema hatua za kumsimamisha kazi Mhariri Mtendaji huyo zilitokana na kuwepo kwa malalamiko mengi kutoka kwa wafanyakazi wa kampuni hiyo hivyo baada ya kumsimamisha nafasi yake ilichukuliwa na Naibu Mhariri Bi Tumma Abdalah.

Sanjari na kumsimamisha kazi Mhariri huyo pia Prof Warioba  alitengua uteuzi wa Bw Felix Mushi aliyekuwa Meneja mauzo na masoko katika kiwanda cha uzalishaji kwa kukosa sifa na utendaji mbovu uliopelekea kampuni kushuka katika uzalishaji.

Hatua hiyo  ya kuwawajibisha watendaji hao ilitokana na Ziara ya Mhe. Nape Nnauye  Waziri wa Habari,Utamaduni,Sanaa na Michezo katika  Kampuni hiyo  ambapo Mh Nape pia hakuridhishwa na utendaji wa watendaji hao uliopelekea wafanyakazi 21kuacha kazi.

“Nataka Bodi itafakari juu ya  malalamiko yaliopo kwa wafanyakazi na wachukue hatua kabla mimi sijakutana na wafanyakazi hao ili kujua mapungufu yako wapi.”Alisema Mhe Nape.

Waziri wa Habari,Utamaduni,Sanaa na 
Michezo Mhe. Nape Nnauye akisaini kitabu 
cha wageni wakati alipotembelea kampuni ya 
magazeti ya serikali TSN leo jijini Dar es Salaam.

Mwenyekiti wa Bodi ya wakurugenzi ya 
kampuni ya magazeti ya serikali 
(TSN) Prof Moses Warioba(wa kwanza kushoto)
 akitoa tamko la kumsimamisha kazi
 Mhariri mtendaji wa kampuni ya magazeti ya
 serikali Bw.Gabriel Nderumaki 
(hayupo pichani) Wengine pichani ni
 wajumbe wa Bodi hiyo 
 Dkt Evelyn Richard na Bw.Alfred Nchimbi

Waziri wa Habari,Utamaduni,Sanaa na
 Michezo mhe Nape Nnauye alipoongea na 
vyombo vya Habari mnamo mwezi februari,
 kuhusu maagizo aliyoyatoa kwa Bodi ya
 wakurugenzi wa kampuni ya magazeti ya 
serikali TSN ikiwemo sababu za wafanyakazi
 wengi kuacha kazi katika shirika hilo

Waziri wa Habari,Utamaduni,Sanaa na 
Michezo Mhe. Nape Nnauye akitembezwa 
kuonyeswa mazingira ya kampuni ya 
magazeti ya serikali(TSN), jijini Dar Es Salaam 
mwezi February 2016, Kulia ni aliye kua 
mhariri mtendaji wa kampuni hiyo ya 
magazeti ya serikali Bw.Gabriel Nderumaki
 ambaye alisimamishwa kazi kutokana 
na utendaji usiorizisha  na kushoto kwake ni 
Mwenyekiti wa Bodi ya wakurugenzi ya
 kampuni ya magazeti ya serikali (TSN) 
Prof Moses Warioba

Waziri wa Habari,Utamaduni,Sanaa na 
Michezo Mhe. Nape Nnauye akipata maelezo 
jinsi gazeti linavyotengenezwa kutoka kwa 
mchapaji msaidizi wa magazeti ya serikali (TSN)
 Bw.Paul Kasele alipofanya ziara katika
 shirika hilo  jijini Dar es Salaam 
mwezi february 2016