Mkurugenzi wa Eag Group Imani Kajula asema inawezekana Wanavyuo nchini kutumia fursa ya milioni hamisini za kila kijiji!!

Imani Kajura Mkurugenzi Eag Group, muwezeshaji katika Kongamano la Wanavyuo lililofanyika Mbeya siku ya Jumamosi. 

Wanafunzi wa vyuo nchini washauriwa kuunda vikundi mbali mbali vya ujasiliamali kisha kuiomba serikali kuviwezesha ili kujitengenezea kipato.

Hayo yalisemwa na mkurugenzi wa Eag Group ndugu Imani Kajura wakati akizungumza na wanavyuo walio hudhuria katika chakula cha jioni (dinner) jijini Mbeya baada ya Kongamano la wanavyuo lililo andaliwa na Mzumbe Campus ya Mbeya ambalo lilifanyika mchana tarehe 11/6/2016 siku ya jumamosi.

Kajura alisema sasa hivi serikali imeahidi kutoa kiasi cha shilingi milioni hamsini kwa kila kijiji hivyo wanavyuo wangeweza kutumia fursa hiyo kuunda vikundi kisa kuiomba serikali kuvitazama vikundi hivyo kama kijiji na hatimae kuviwezesha kwa kuvipatia mikopo hatimae kuitumia kama mtaji wa kuwawezesha kufanya shughuli za uzalishaji uchumi ili kujikwamua.

Aidha alisema suala la wanavyuo nchini kutegemea mikopo pekee si jambo jema kwani wamekua wakitumia muda mwingi kufuatilia mikopo na hali hua mbaya zaidi pindi mikopo hiyo inapochelewa kwani hulazimika kuandamana na kufanya fujo jambo linalopelekea baadhi yao kupoteza muda wa masomo na hata kufukuzwa kabisa chuo kutokana na kutofuata sheria na kanuni za kudai haki ya mikopo hiyo.

Asema kama wanavyuo wakiamua kuunda vikundi na kuishawishi serikali kuwapa mikopo itawezekana kwa kua wanafunzi hawa hutambulika kisheria lakini pia si rahisi kikundi chote kutoroka na kushindwa kulipa  mikopo hiyo kwani wanafunzi hawa hufaamiana vyema hivyo ni rahisi kuunda vikundi kulingana na matakwa yao.

Imani Kajura alilazimika kutoa ushauri huo baada ya Mwanasheria wa Mahakama Kuu na Mjasiliamali ndugu Albert Msando kutoa maoni kwa niaba ya wanavyuo 

Akiwasilisha maoni hayo kwa mgeni rasmi  Mhe. Luhanga Mpina ambae ni Naibu Waziri Ofisi ya Makamu wa Rais, Muungano na Mazingira, Msando alisema  kwanini serikali isiandae mpango/mkakati maalumu wa kuwawezesha wanavyuo walio hitimu kwani wanavyuo wengi wamekua wakihaha mtaani kwa kukosa hata mitaji ambayo ingeweza kuwasaidia hata kuanzisha biashara  kwani matarajio ya wanavyuo wengi ni kujiajiri na kuajiriwa na ajira hizi hupatikana mijini zaidi hivyo baada ya wanafunzi kuhitimu hulazimika kurudi nyumbani kwa wazazi kwa ajili ya kusubiria vyeti kwa kua hawana uwezo wa kuendelea kubaki mjini na kujishuhulisha na chochote,

Msando aliendelea kusema kua wanavyuo wengi hushindwa kuanza maisha kwa kua baada ya kumaliza vyuo wanakosa kitu ambacho kinaweza kua ni dhamana ya wao kuweza kukopa hasa katika benk na vikundi mbali mbali vya mikopo.

Hata hivyo Naibu Waziri Ofisi ya Makamu wa Rais, Muungano na Mazingira Mhe. Luhanga Mpina akitoa ufafanuzi kuhusina na ushauri uliotolewa alikiri kuupokea ushauri huo na kuufikisha serikalini ili uweze kufanyiwa kazi.

“Kwa kuwa serikali tuliyonayo ni makini nawahakikishieni kua ushauri huu nimeuchukua na nitaufikisha serikalini ili kuona namna ambavyo serikali inaweza kuandaa utaratibu wa kuwasaidia wanavyuo walio hitimu” alisema Mpina

Naibu Waziri Ofisi ya Makamu wa Rais, Muungano na Mazingira Mhe. Luhanga Mpina akitoa ufafanuzi kuhusina na ushauri uliotolewa

Mwanasheria wa Mahakama Kuu na Mjasiliamali ndugu Albert Msando akitoa maoni kwa niaba ya Wanavyuo.Naibu Waziri Ofisi ya Makamu wa Rais, Muungano na Mazingira Mhe. Luhanga Mpina akikabidhi zawadi ya simu kwa wanavyuo.

Picha ya pamoja ya wanavyuo waliojitokeza kuelezea namna walivyo nufaika na kongamano hilo na wataitumia vipi elimu hiyo. .

Picha ya pamoja Wawezeshaji na wanavyuo ambao walijishindia zawadi ya simu aina ya Huawei baada ya kueleza wamenufaika vipi na kongamano la wanavyuo.