Mkuu wa Mkoa wa Mbeya mh. Amosi Makalla amewataka wananchi kujitokeza kwa wingi kumlaki Waziri mkuu Mh. Kassim Majaliwa!!.

Mkuu wa Mkoa wa Mbeya mh. Amosi Makalla amewataka wananchi kujitokeza kwa wingi kumlaki Waziri mkuu Mh. Kassim Majaliwa.

Mh. Amosi Makalla ametoa rai hiyo leo wakati akizungumza na waandishi wa habari ofisini kwake, Amesema waziri mkuu ambae anakuja kwa ajili ya kufunga maonesho ya nane nane anatarajiwa kuwasili jijini Mbeya kesho tarehe 7/8/2016 majira ya saa kumi akitokea jijini Dar Es Salaam na kuondoka tarehe 9/8/2016 baada ya kukamilisha zoezi la kufunga maonesho.

Makalla amesema shughuli atakazozifanya Mh. Waziri baada ya kuwasili Mkoani Mbeya hapo kesho ni kutembelea Ikulu ambapo atasomewa taarifa na kesho kutwa tarehe 8/8/2016 saa tatu asubuhi ataelekea katika viwanja vya John Mwakangale ambapo kabla ya kufunga maonesho hayo atakagua mabanda matano (5) miongoni mwa mabanda hayo ni banda la Magereza, banda la Pembejeo, banda la Halmashauri na mengineyo.

Hata hivyo amesisitiza kuwa maandalizi ya kumlaki kiongozi huyo ambae kwa mara ya kwanza anawasili mkoani hapa tangu aingie madarakani yamekamilika na kwamba viongozi mbali mbali wakiwemo wakuu wa mikoa tayari wamesha wasili kwa ajili ya zoezi la kufunga maonesho hayo.

Aidha alimaliza kwa kuwataka wananchi wa mkoani Mbeya wajitokeze kwa wingi hapo kesho kumlaki mh. Waziri Mkuu pindi atakapo wasili katika uwanja wa ndege (airpot) sanjari na kujitokeza kwa wingi katika viwanja vya John Mwakangale ambapo zoezi la kuhitimisha maonesho ya nane nane yatafanyia.

Maonesho ya nane nane (8,8) yalianza rasmi tarehe 1/8/2016 ambapo yalizinduliwa na waziri wa Kilimo, Mifugo na Uvuvi, Dk. Charles John Tizeba.